Хариду фурӯши тифли навзод

Душанбе, 20.10. 2015 (АМИТ «Ховар»). — Зимни гузаронидани чорабиниҳои фаврӣ-ҷустуҷӯӣ кормандони милитсия зани 34-сола, истиқоматкунандаи шаҳри Душанберо, ки пеш бо моддаи 167 Кодекси ҷиноятӣ суд шудааст, бо гумони хариду фурӯши тифли навзод дастгир намуданд. Муайян карда шуд, ки гумонбаршуда  16-уми сентябри соли равон  дар хонаи зани 27-солаи сокини шаҳри Душанбе писари навзоди худро ба зани 38-солаи сокини ноҳияи Рӯдакӣ ба маблағи 500 доллари амрикоӣ фурӯхтааст. Нисбат ба шаҳрвандоне, ки ба хариду фурӯши кӯдаки навзод даст доранд, парвандаи ҷиноятӣ оғоз  шуда, тафтиш дар ин самт давом дорад.