Хуҷанд: насби технологияи нав дар коргоҳи “Ҷавонӣ”

Октябрь 29, 2015 11:42

Хуҷанд, 29.11.2015.  (АМИТ «Ховар»).-Корхонаи ЧДММ «Ҷавонӣ» аз корхонаҳои саноатии пуриқтидори шаҳри Хуҷанд  ба ҳисоб рафта, дар баробари фаъолияти мунтазам, бо насби воситаҳои техникии истеҳсолӣ низ сифати маҳсулоти худро боло мебардорад.
Чанд рӯз аст, ки дар сехи рангубордиҳии корхонаи мазкур хатти нави технологии рангдиҳии худкори ширкати итолёвии «ОМИ»  мавриди истифода қарор дорад, ки  он барои афзун гаштани ҳаҷми истеҳсолот мусоидат менамояд. 
Хатти технологии нав аз ҷониби коргоҳ ба маблағи 500 ҳазор доллари амрикоӣ харид гашта, иқтидори он ба рангдиҳии 5 ҳазор дона шим дар як шабонарӯз расида, ҳамзамон аз тариқи ин таҷҳизот барои зебу тобиш додани маҳсулоти истеҳсолшаванда 40 намуди рангҳо истифода хоҳанд шуд.  Бо ба истифода додани ин хатти нави технологӣ дар коргоҳ боз 36 ҷойи корӣ ташкил шуд.
 Бояд гуфт, ки иқтидори корхона  дар давоми як моҳ истеҳсоли наздик ба 130 ҳазор дона шимро ташкил дода, теъдоди он дар як сол ба зиёда аз 1 миллион дона мерасад. Аз ҳаҷми умумии маҳсулоти истеҳсолмешуда  97%-и он ба кишварҳои Аврупо содирот мешавад.
Раиси шаҳри Хуҷанд Раҷаббой Аҳмадзода дирӯз зимни боздид аз коргоҳи номбурда бо сифати маҳсулоти нав ва фаъолияти корхона шиносо шуда, ба масъулини коргоҳ барои боз ҳам густариш додани ҳамкорӣ бо кишвархои хориҷӣ ва зиёд намудани чойҳои  корӣ дастур дод. 

 

Октябрь 29, 2015 11:42

Хабарҳои дигари ин бахш

Дар кӯчаҳои Хуҷанд барои пешгирии ифлосшавии муҳити зист дурбинҳои назоратӣ насб гардиданд
Имрӯз дар шаҳри Душанбе ҳаво то 28 дараҷа гарм мешавад
Дар соҳаҳои маорифу тандурустии ноҳияи Ёвон нақшаи захираи ангишт пурра иҷро гардид
Имрӯз дар водиҳои Тоҷикистон ҳаво то 28 дараҷа гарм мешавад
35-СОЛАГИИ ИСТИҚЛОЛИ ДАВЛАТӢ. Дар ноҳияи Ишкошим сохтмони Литсейи касбии техникӣ оғоз ёфт
Сарони давлатҳо қарорро дар бораи таъсиси қолаби нав бо номи «ИДМ плюс» имзо карданд
Раим Саданшоев: «Мо на танҳо дар самти таъмини алоқа, балки дар дигар соҳаҳо низ ҳамроҳи шумоем»
Имрӯз дар Тоҷикистон ҳаво то 28 дараҷа гарм мешавад
Имрӯз дар шаҳри Душанбе ҳаво то 27 дараҷа гарм мешавад
Дар Лахш барои фаъолияти самарабахш дар давраи тирамоҳу зимистон беш аз як миллион сомонӣ маблағ ҷудо гардидааст
Чӣ тавр тарофаро дар якчанд дақиқа метавон фаъол кард?
Имрӯз дар водиҳои Тоҷикистон ҳаво то 24 дараҷа гарм мешавад