Интиқоли мусофирон тавассути «Тоҷик Эйр» коҳиш ёфтааст

Октябрь 8, 2015 06:40

           Душанбе, 08.10.2015.(АМИТ «Ховар»).- Ширкати ҳавопаймоии «Тоҷик Эйр» дар зарфи нӯҳ моҳи соли ҷорӣ 2443 парвоз  анҷом дода,  наздики 240 ҳазор мусофирро  интиқол додааст, ки нисбат ба ҳамин давраи  соли гузашта 85 фоизро ташкил дода, 42 ҳазору 100 нафар кам мебошад. Ин матлабро Икромҷон Мавлонов, муовини директори Ҷамъияти саҳҳомии кушодаи «Тоҷик Эйр» оид ба тиҷорат зимни натиҷагирӣ аз фаъолияти ҶСК «Тоҷик Эйр»  дар ҷаласаи ҷамъбастӣ имрӯз дар Душанбе иброз дошт. Масъули ширкати «Тоҷик Эйр» омили асосии коҳиши ҳаҷми мусофиркашониро ба бӯҳрони молиявӣ ва  риояи талаботи қонунгузории Русия оид ба вуруди шаҳрвандони Тоҷикистон ба ҳудуди ин кишвар рабт дод.
           Таъкид гардид, ки барои коҳиш додани хароҷот  ва афзоиши даромаднокии ҶСК «Тоҷик Эйр» «Барномаи раҳоӣ аз бӯҳрони молиявӣ» таҳия гардида, таъмини  устувори вазъи иқтисодӣ  ва рушди ҶСК «Тоҷик Эйр» барои солҳои 2015-2016, ки аз Паёми Президенти кишвар Эмомалӣ Раҳмон ба Парлумони мамлакат бармеояд, амалӣ мешавад.
           Инчунин Икромҷон Мавлонов зикр намуд, ки ширкати миллии ҳавопаймоии Тоҷикистон  «Тоҷик Эйр» дар ин давра фаъолияти худро дар партави Паёми Президенти кишвар ба Маҷлиси  Олӣ ва дастуру супоришҳои Ҳукумати ҷумҳурӣ ба роҳ монда тамоми имкониятро барои баланд бардоштани рақобатпазирии ширкат ва таъмини бехатарию мунтазамии парвозҳо равона намуд.
     

 

Октябрь 8, 2015 06:40

Хабарҳои дигари ин бахш

Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад