Кормандони ғайриштатии мақомоти корҳои дохилӣ 444 ҷиноятро ошкор карданд
Душанбе, 13.09.2015 (АМИТ «Ховар»). -Кормандони ғайриштатии мақомоти корҳои дохилӣ қувваи бузурги аҳли ҷомеа буда, ба воситаи онҳо ҳамкории ҷомеа бо мақомоти корҳои дохилӣ дар баробари дружиначиёни ихтиёран амалӣ шуда истодааст. Имрӯзҳо ҳамкории судманди кормандони ғайриштатӣ бо кормандони мақомоти корҳои дохилӣ ба роҳ монда шуда, ихтиёран ҷалбшавии шаҳрвандон ба сифати кормандони ғайриштатӣ шароит муҳайё намудааст, ки рӯз аз рӯз ҳамкории зичи мақомот бо ҷомеа ташкил ва дар пешгирии ҷинояткорӣ ва мубориза бо он натиҷаҳои хуб ба даст оварда шавад.
Фармони Президенти Тоҷикистон «Дар бораи баланд бардоштани нақши нозирони минтақавии милитсия дар таъмини тартиботи ҷамъиятӣ ва тавсеаи ҳамкории онҳо бо аҳолӣ» таҳкимбахши ҳамкории кормандони ғайриштатӣ бо кормандони мақомоти корҳои дохилӣ мебошад. Ҷамъбасти фаъолияти нуҳмоҳаи Вазорати корҳои дохилӣ нишон дод, ки дар давоми нӯҳ моҳ сафи кормандони ғайриштатӣ зиёда аз 3000 нафар афзуда, дар умум зиёда 15 000 корманди ғайриштатӣ дар ҳамкорӣ бо кормандони ин мақомот дар таъмин намудани тартиботи ҷамъиятӣ ва амният фаъолона иштирок доранд.
Омӯзиши фаъолияти кормандони ғайриштатӣ бо нозирони минтақавӣ нишон дод, ки онҳо барои иштирок намудан дар таъминоти тартиботи ҷамъиятӣ сахт ҳавасманд мебошанд. Имрӯзҳо бо 955 нозири минтақавии милитсия беш аз 4900 корманди ғайриштатӣ ҳамарӯза дар таъмин намудани тартиботи ҷамъиятӣ фаъолона ҳиссагузорӣ менамоянд, ки ба ҳар як нозири минтақавӣ на кам аз панҷ нафарӣ корманди ғайриштатӣ рост меояд. Танҳо дар нӯҳ моҳи соли ҷорӣ беш аз 450 шаҳрванд ихтиёран ба сифати кормандони ғайриштатии нозирони минтақавӣ қабул шуданд.
Зикр кардан бамаврид аст, ки кормандони ғайриштатии милитсия, ки бевосита бо нозирони минтақавӣ ҳамарӯза фаъолият менамоянд, 444 ҷиноят ва 1085 ҳуқуқвайронкунии маъмуриро ошкор намудаанд, ки назар ба ҳамин давраи соли гузашта беҳтар буда, намунаи ҳамкории хуби онҳо бо мақомоти корҳои дохилӣ мебошад.
Ғуломов Қ.Ҷ., мушовири калони дастгоҳи вазири корҳои дохилӣ
Дар Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроӣ машғулияти омӯзишӣ доир шуд
Имрӯз дар шаҳри Душанбе ҳаво то 15 дараҷа гарм мешавад
Мағозаи интернетии shop.megafon.tj: муносибтар, зудтар, муфидтар
Имрӯз дар Тоҷикистон ҳавои тағйирёбандаи бебориш пешгӯӣ шуда, туман мефарояд
Бахшида ба Рӯзи матбуоти тоҷик дар Маркази тадқиқоти стратегӣ ҳамоиш баргузор гардид
Мавқеи воситаҳои ахбори омма дар таҳкими худшиносии миллӣ назаррас аст
Дар шаҳри Хоруғ мусобиқаи «Ватанпарвар» баргузор гардид
Имрӯз дар Тоҷикистон ҳавои тағйирёбанда пешгӯӣ мешавад
Дар минтақаи доманакӯҳии атрофи маҳаллаи Зарафшон ниҳолҳои мевадиҳанда шинонида шуданд
«ҲАР ОН КАС, КИ «ШОҲНОМА»-ХОНӢ КУНАД…». Дар Осорхонаи миллӣ маҳфили «Шоҳномахонӣ» баргузор гардид
Ҳамёни рақамӣ дар «МегаФон Life» боз ҳам мувофиқтар шуд
Имрӯз дар Тоҷикистон борони бошиддат меборад
