Мубориза бар зидди фоҳишаҳо пурзӯр гардонида мешавад
Душанбе,15.10.2015.(АМИТ «Ховар»).- Дар Тоҷикистон мубориза бар зидди фоҳишагарӣ, ки зуҳуроти нангин аст, пурзӯр гардонида мешавад. Дар ин росто 15 октябр Палатаи поёнии Парлумони Тоҷикистон ба Кодекси ҳуқуқвайронкунии маъмурии Ҷумҳурии Тоҷикистон тағйиру илова ворид намуд. Тибқи ин тағйирот ба моддаи 130 Кодекси ҳуқуқвайронкунии маъмурии Ҷумҳурии Тоҷикистон қисми 2 илова гардида, ҷазоро барои дар давоми як соли баъди таъйини ҷазои маъмурӣ такроран содир намудани кирдори фоҳишагӣ ба андозаи аз 20 то 40 нишондиҳанда барои ҳисобҳо ҷарима ё ҳабси маъмурӣ аз 10 то 15 шабонарӯз пешбинӣ менамояд. Яъне, минбаъд фоҳишаҳое, ки ҷарима шудаанду боз ба ин амали нангин даст мезананд, ба андозаи аз 20 то 40 нишондиҳанда ҷарима гардида, то 15 рӯз ҳабс мешаванд.
Бахтовар Сафаров-вакили Маҷлиси намояндагон зимни шарҳи ин масъала дар назди вакилон гуфт, ки ворид намудани тағйиру илова ба Кодекси ҳуқуқайронкунии маъмурии Ҷумҳурии Тоҷикистон аз ҷониби Ҳукумати мамлакат ба Парлумони кишвар пешниҳод гардидааст. Ҳадафаш пешгирӣ намудани ҳолатҳои нангини ба фоҳишагӣ даст задани занону духтарон бо роҳи пурзӯр намудани ҷавобгарӣ нисбат ба чунин шахсон аст, зеро мувофиқи меъёри амалкунандаи моддаи 130-и Кодекси ҳуқуқвайронкунии маъмурии Ҷумҳурии Тоҷикистон нисбат ба шахсони ба фоҳишагарӣ машғулбуда, ҷазо танҳо дар намуди ҷарима ба андозаи аз 10 то 20 нишондиҳанда барои ҳисобот таъйин гардида буд. Таҷриба нишон медиҳад, ки ин ҷазо ба шахсоне, ки ба фоҳишагарӣ машғуланд, вазнин набуда, барои ислоҳи онҳо мушкил аст. Фоҳишагарӣ ё танфурӯшӣ дар радифи қочоқ ва фурӯши маводи мухаддир ва силоҳ дар ҷомеаи башарӣ зуҳуроти нангин арзёбӣ гардида, марз надорад.
13 феврал дар Вазорати корҳои дохилӣ, Вазорати адлия, Кумитаи андоз ва Суди Олӣ нишасти матбуотӣ баргузор мегардад
Имрӯз дар баъзе ноҳияҳои алоҳидаи Тоҷикистон туман мефарояд
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
