Мушкилиҳои таъминоти барқ бартараф мешаванд
Душанбе, 20.10.2015. (АМИТ «Ховар»).- Дар доираи татбиқи Лоиҳаи «Беҳсозии сатҳи зиндагӣ дар Хатлон», ки аз ҷониби Муассисаи давлатии Маркази идораи Лоиҳаи «Рушди чорводорӣ ва чарогоҳҳо» амалӣ шуда истодааст, хатҳои интиқоли барқ дар деҳаи Ҳанатароши ҷамоати деҳоти Деҳи баланди ноҳияи Муъминобод иваз гардида, зеристгоҳҳои нав васл шуданд.
Тавре ки намояндаи лоиҳаи мазкур Муҳриддин Музаффаров хабар дод, аҳолии деҳа, ки 1 ҳазору 661 нафарро ташкил медиҳад ва аз сабаби он ки хатҳои интиқоли барқ дар солҳои 70-уми асри гузашта сохта шуда, фарсудаю корношоям гардидаанд, мушкилиҳои зиёд мекашиданд. Инчунин бо зиёд гардидани хонаводаҳо ва шумораи аҳолӣ иқтидори зеристгоҳу ноқилҳо барои таъмини хушсифати шиддати барқ басанда набуд. Ҳамаи ин мушкилиҳоро ба инобат гирифта, аз ҷониби Муассисаи давлатии Маркази идораи Лоиҳаи «Рушди чорводорӣ ва чарогоҳҳо» бо назардошти дархости худи аҳолӣ дар масофаи 18 км ноқилҳо ва симчӯбҳо иваз карда шуда, зеристгоҳи пуриқтидор, ки барои таъмини сарбории қувваи барқ басанда аст, васл карда шуд.
Бояд зикр намуд, ки дар деҳаҳои Сино, Себдара, Деҳдарозаки ноҳияи Шӯрообод низ чунин мушкилиҳо мавҷуд буданд ва бо дасггирии Лоиҳаи «Беҳсозии сатҳи зиндагӣ дар Хатлон» хатҳои интиқоли барқ иваз гардида, зеристгоҳи нав васл карда шуд. Симчӯбҳои фарсуда ва ба садама гирифторшуда бо пояҳои мустаҳками бетонӣ иваз карда шуданд. Дар ин деҳаҳаҳо дар маҷмӯъ 10 км хати барқ ва симчӯбҳо иваз гардиданд. Дар деҳаҳои Ново, Оҳангарон ва Яхшор аҳолӣ умуман барқ надошт ва бо дастгирии лоиҳа алҳол корҳои сохтмонӣ барои бунёди хатҳои интиқоли барқ, таъмини аҳолии ин деҳаҳо бо қувваи барқ ва пайваст шудан ба шабакаи ягонаи барқ дар арафаи анҷомёбӣ қарор доранд.
Мавриди зикр аст, ки чунин дастгириҳои Ҳукумати Ҷумҳурии Тоҷикистон бобати таъмини аҳолӣ бо қувваи барқ ва бартараф намудани камбудиҳои мавҷудаи деҳот имконият фароҳам меоранд, ки дар маҳалҳо корхонаҳои хурди коркарди маҳсулот ифтитоҳ гарданд ва онҳо бо қувваи барқ мунтазам таъмин бошанд.
13 феврал дар Вазорати корҳои дохилӣ, Вазорати адлия, Кумитаи андоз ва Суди Олӣ нишасти матбуотӣ баргузор мегардад
Имрӯз дар баъзе ноҳияҳои алоҳидаи Тоҷикистон туман мефарояд
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
