Нақши Конститутсия дар эъмори давлати демокративу ҳуқуқбунёд
Душанбе, 29.10.2015 (АМИТ «Ховар»).-Бо ташаббуси Суди конститутсионии мамлакат ба муносибати 21-солагии қабули Конститутсия (Сарқонун)-и Ҷумҳурии Тоҷикистон дар мавзӯи «Нақши Конститутсия дар эъмори давлати демокративу ҳуқуқбунёд ва таҳкими ҳокимияти конститутсионӣ» мизи мудаввар баргузор мегардад. Чорабинӣ 2-юми ноябри соли равон дар Суди конститутсионӣ доир шуда, дар он мутахассисону коршиносони соҳа оид ба конститутсия маърӯза мекунанд.
Хотиррасон бояд шуд, ки Конститутсия (Сарқонун)-и Ҷумҳурии Тоҷикистон 6-уми ноябри соли 1994 аз тариқи раъйпурсии умумихалқӣ қабул шуда аз 10 боб ва 100 модда иборат мебошад.