Нақши соҳаи туризм дар рушди фаъолияти соҳибкорӣ

Октябрь 8, 2015 12:01

Душанбе, 08.10.2015 (АМИТ «Ховар»).-Шурӯъ аз дирӯз, 7-уми октябри соли равон Кумитаи ҷавонон, варзиш ва сайёҳӣ бахшида ба таҷлили Ҳафтаи соҳибкорӣ ва нахустин «Рӯзи соҳибкор» баррасӣ намудани нақши соҳаи сайёҳӣ дар рушди фаъолияти соҳибкорӣ,  ҳамзамон тарғибу ташвиқи имкониятҳои туристии мамлакат як зумра чорабиниҳои минтақавию ҷумҳуриявӣ ва байналмилалиро ба нақша гирифтааст, ки то 20 октябр идома меёбанд. 
Бино ба иттилои Наврӯз Қурбонов, мутхассиси пешбари бахши таҳлилу иттилооти Кумитаи ҷавонон, варзиш ва сайёҳӣ, дар доираи ин чорабиниҳо рӯзҳои 7, 12, 15 октябр дар ноҳияҳои Варзоб, Ҳисор, Ишкошим семинарҳои омӯзишӣ бо иштироки роҳбарияти муассисаҳои олии таълимӣ, субъектҳои хоҷагидори соҳаи туризм, оид ба масъалаҳои рушди самараноки фаъолияти туристӣ ва баррасии таҳияи лоиҳаҳои тиҷоратии инвеститсионӣ баргузор мешаванд. Ҳамзамон 12 октябри соли ҷорӣ дар ноҳияи Мӯъминободи вилояти Хатлон семинари омӯзишии рушди туризми экологӣ низ доир мегардад. 
13 октябр дар шаҳри Кӯлоб конфронси минтақавии сайёҳӣ таҳти унвони «Афзалиятҳо барои рушди туризми устувор» ва 16 октябр дар шаҳри Душанбе  Конфронси байналмилалии “Туризми дар ҷомеа асосёфта дар Осиёи Марказӣ” бо иштироки намояндагони Созмони ҷаҳонии туристӣ, давлатҳои Испания, Эрон, Афғонистон, Қирғизистон ва Қазоқистон вобаста ба рушди туризми ҷомеасоз дар кишвар ва баланд бардоштани нақши соҳибкории хурду миёна дар беҳтар сохтани инфрасохтори сайёҳӣ баргузор мегардад. 

 

Октябрь 8, 2015 12:01

Хабарҳои дигари ин бахш

Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад