Насби пойгоҳи иртиботи бесими ширкати Tcell дар Рашт

Рашт, 02.10.2015 (АМИТ «Ховар», Субҳониддини Маҳмуд).-Дар деҳаи Сайиди  ҷамоати деҳоти Қалъаи сурхи ноҳияи Рашт пойгоҳи иртиботи бесими ширкати Tcell бо маблағи 200 ҳазор доллари амрикоӣ  сохта шуда, он имрӯз ба кори худ оғоз намуд. Мутахассисони техникии ширкати мазкур дар пойгоҳ, оид ба ҳолатҳои техникӣ, фаъолияти  кормандони техникии ширкат,  бо сертификати Хадамоти алоқаи назди Ҳукумати Ҷумҳурии Тоҷикистон таъмин будани пойгоҳи мазкур  ва иқтидори пойгоҳи ширкат маълумот доданд.
Ба гуфтаи масъулин, пойгоҳи мазкур мавҷро аз Душанбе қабул намуда, ба пойгоҳи ширкати мазкур дар ноҳияи Ҷиргатол  интиқол медиҳад. Мавҷ ба воситаи мавҷгирҳо дар тамоми минтақаи водии Рашт  паҳн гардида, муштариён аз ин гуна хизматрасонӣ истифода мебаранд.