Ҷоми Осиё: Баҳрайн — Малдив 4:0

Душанбе, 02.10.2015 (АМИТ «Ховар»). Дар бозии нахустини интихобии Ҷоми Осиё дар гурӯҳи «F» дастаи мунтахаби Баҳрайн дар варзишгоҳи марказии шаҳри Душанбе бар тими мунтахаби Малдив бо натиҷаи 4 бар 0 пирӯз шуд. Бозӣ аз аввал то ба анҷом бо бартарии футболбозони кишвари Баҳрайн гузашт. Агар маҳорати фардии дарвозабони Малдив Маиш Муҳаммад намебуд, шумораи голҳо аз ин бештар мешуд. Дар натиҷа ба Муҳаммад Ҷосим Муҳаммад Алӣ муяссар шуд , ки дар ин бозӣ ду гол занад. Қисми дуввуми бозиро малдивихо баъди аз майдон ронда шудани Солеҳ Маҷдхон 10 нафара ба анҷом расониданд. Дар охири бозӣ муаллифи голи дувуми Баҳрайн Талол Алӣ Аннор низ аз майдон ронда шуд. Акнун дастаҳои мунтахаби Тоҷикистон ва Ироқ вориди майдон мешаванд.