Равобити фарҳангии Тоҷикистону Беларус тавсеа меёбанд
Душанбе, 16.10.2015.(АМИТ «Ховар»).- «Ҳамкории фарҳангӣ миёни Ҷумҳурии Тоҷикистон ва Ҷумҳурии Беларус беш аз пеш тақвият меёбад», гуфт зимни нишасти матбуотӣ ба хабарнигорон дар Душанбе Шамсиддин Орумбекзода, вазири фарҳанги Тоҷикистон.
Мавсуф афзуд,ки шоми имрӯз дар Театри давлатии опера ва балети ба номи Садриддин Айнӣ Рӯзҳои фарҳанги Ҷумҳурии Беларус дар Ҷумҳурии Тоҷикистон ба таври расмӣ ифтитоҳ меёбанд, ки ҳадаф тавсеаи равобити фарҳангӣ миёни ду кишвари дӯсту бародар -Тоҷикистону Беларус аст. Вазири фарҳанги ҷумҳурӣ афзуд, ки дар доираи баргузории Рӯзҳои фарҳанги Беларус дар Тоҷикистон сокинон ва меҳмонони пойтахт имкон доранд бо фарҳанги бою пурғановати мардуми Беларус аз наздик ошно гарданд. Мавриди зикр аст, ки дар доираи баргузории Рӯзҳои фарҳанги Беларус ҳайати калони фарҳангии ин кишвар таҳти роҳбарии Василий Черник -муовини вазири фарҳанги Беларус вориди Душанбе гардидааст. Интизор меравад, ки дар ҳошияи баргузории Рӯзҳои фарҳанги Беларус дар Тоҷикистон намоиши аксҳо таҳти унвони «Беларуси муосир» аз хазинаи «БелТА», намоиши филмҳои ҳунарӣ ва тасвирӣ, аз қабили «Осори ҳавворон» ва «Қалъаи Брест» ташкил шавад.
Ҳайати фарҳангиёни Беларус фардо ба шаҳри Турсунзода ва ноҳияи Ҳисор сафар намуда, дар Қасри фарҳанги шаҳри Турсунзода барномаи консертиро пешкаши сокинони ин шаҳр мегардонанд. Ҳамзамон меҳмонон аз муассисаҳои фарҳангии Ҳисор ва ангурбоғҳои он боздид хоҳанд кард.
13 феврал дар Вазорати корҳои дохилӣ, Вазорати адлия, Кумитаи андоз ва Суди Олӣ нишасти матбуотӣ баргузор мегардад
Имрӯз дар баъзе ноҳияҳои алоҳидаи Тоҷикистон туман мефарояд
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
