Сафари сокинони Конибодом барои кор ба Тюмен

Душанбе, 19.10.2015. (АМИТ «Ховар», ). —  19  нафар муҳоҷири меҳнатӣ аз шаҳри Конибодоми вилояти Суғд ба шаҳри Тюмени Федератсияи Русия сафарбар гаштанд. Бино ба маълумоти роҳбари гурӯҳ Гулбаҳор Ҳомидова муҳлати сафари муҳоҷирони меҳнатӣ аз шаш то ҳашт моҳ  пешбинӣ шудааст. Вазифаи ёфтани ҷои кор ва истиқомат, ҳамзамон расмикунонии ҳуҷҷатҳо ба зиммаи худи онҳо мебошад.  
Тавре ки сухангӯи Хадамоти муҳоҷират А. Қодирӣ хабар дод, аз байни субъектҳои хоҷагидори вилояти Суғд бо Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилоят ҳамкории ҶДММ «Суғдиён Помир тур» босамар аст. 
Намояндагони  Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд пеш аз маросими гусели муҳоҷирони меҳнатӣ бо онҳо вохӯрда, корҳои фаҳмондадиҳӣ бурданд.