«Созандагони Ватан» муборизаро бар зидди ақидаҳои ифротӣ пурзӯр менамояд
Душанбе, 02.20.2015. (АМИТ «Ховар»). — Имрӯз дар шаҳри Хуҷанд бо ибтикори Ташкилоти ҷамъиятии ҷавонон «Созандагони Ватан» дар мавзӯи «Ифротгароии ҷавонон: омилҳо ва роҳҳои пешигирии он» мизи мудаввар баргузор шуда, ҳамчунин марҳилаи дуюми баргузории маҷмӯи чорабиниҳо оид ба пешгирии гаравидани ҷавонон ба гурӯҳҳои ифротӣ оғоз шуд.
Дар чорабинӣ оид ба ифротгароии ҷавонон, омилҳо ва роҳҳои пешгирии он, ҳизбу ҳаракатҳои террористию экстремистӣ, ки ба амнияти давлатҳо хатари ҷиддӣ эҷод менамоянд ва огоҳ сохтани мардум, бахусус ҷавонон аз оқибатҳои нохуши онҳо маърӯзаҳо қироат гаштанд.
Ҳамчунин аз ҷониби роҳбарияти ТҶҶ «Созандагони Ватан» бо донишҷӯёни Донишгоҳи давлатии Хуҷанд вохӯрӣ анҷом дода шуд. Зимни мулоқот атрофи ҳизбу ҳаракатҳои ғайриқонунии террористию экстремистӣ суҳбати судманд доир шуд. Зимни машварат донишҷӯён аз ҳадафҳои шуми ҳизбу ҳаракатҳое, ки фаъолияташон манъ карда шудааст, огоҳӣ пайдо намуда, иқдомоти мақомоти давлатиро дар хусуси манъ намудани фаъолияти ҳизбу ҳаракатҳое, ки фаъолияташон хусусияти террористию экстремистӣ дорад, ҷонибдорӣ намуданд.
Дар назар дошта шудааст, ки чунин вохӯриҳо бо донишҷӯёни дигар макотиби олии шаҳри Хуҷанд баргузор шаванд.
Бояд иброз намуд, ки ТҶҶ «Созандагони Ватан» шурӯъ аз моҳи июн дар ҳамаи шаҳру ноҳияҳои кишвар марҳилаи аввали чорабиниҳоро ба хотири пешгирӣ аз шомилшавии ҷавонон ба гурӯҳҳои ифротӣ аз рӯи усули кӯча ба кӯча ба анҷом расонида, марҳилаи дуюми онро бо иштироки фаъолони ҷомеа ва донишҷӯёни макотиби олӣ шурӯъ намуд. Баргузории ҷунин мизҳои мудаввар ва вохӯриҳо дар шаҳрҳои Хоруғ, Қурғонтеппа, Кӯлоб ва Душанбе ба нақша гирифта шудааст.
13 феврал дар Вазорати корҳои дохилӣ, Вазорати адлия, Кумитаи андоз ва Суди Олӣ нишасти матбуотӣ баргузор мегардад
Имрӯз дар баъзе ноҳияҳои алоҳидаи Тоҷикистон туман мефарояд
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
