Тасарруфи амволи ғайр ба тариқи зӯрӣ
Душанбе, 03.10.2015. (АМИТ «Ховар»).- Ба ШВКД дар шаҳри Хуҷанд зани 27-сола аз ноҳияи Б.Ғафуров муроҷиат намудааст, ки рӯзи 27-уми сентябри соли равон дар ҳудуди бозори Панҷшанбе-и ш. Хуҷанд шахси номаълум бо роҳи зӯроварӣ аз гарданаш 1 гарданбанди тиллоиро, ки арзишаш 15000 сомониро ташкил медиҳад, тасарруф намуда, аз ҷойи ҳодиса ғайб задааст.
Зимни гузаронидани чорабиниҳои фаврӣ-ҷустуҷӯӣ аз ҷониби кормандони милитсия сокини 21-солаи Б. Ғафуров ҳамчун гумонбар дар ғоратгарӣ дастгир шуд.
Ҳамчунин ба ШВКД дар ноҳияи Фирдавсии пойтахт зани 57-сола аз ноҳияи Ёвон бо ариза муроҷиат намудааст, ки 2-юми октябри соли равон дар кӯчаи Н.Қарабоеви шаҳри Душанбе шахси номаълум бо тариқи зӯроварӣ аз дасти набераи ноболиғаш, духтари 15-сола,хонандаи синфи 9-уми мактаби таҳсилоти умумӣ, 1 планшети тамғаи Самсунг-Гелекси ТАБ-5-ро, ки арзишаш 520 сомонӣ мебошад, тасарруф намуда, аз ҷойи ҳодиса ғайб задааст.
Дар натиҷаи гузаронидани чорабиниҳои фаврӣ-ҷустуҷӯӣ аз ҷониби кормандони милитсия ноболиғ, ҷавони 15-сола, хонандаи синфи 9-уми мактаби таҳсилоти умумӣ бо гумони тасарруф намудани планшет дастгир шуд.
Ҳамин тариқ, ба ШВКД-1 дар ноҳияи Сино сокини 29-солаи Ҳисор арз намудааст, ки шаби 1 ба 2-юми октябр тахминан дар кӯчаи Гипроземи шаҳри Душанбе шахси номаълум бо тариқи зӯроварӣ аз ӯ 1400 сомонӣ, 1 телефони мобилии тамғаи Самсунг-Гелекси-6 ва курткаашро, ҷамъ ба маблағи умумии 2125-сомонӣ тасарруф намуда, аз ҷойи ҳодиса ғайб задааст.
Зимни гузаронидани чорабиниҳои фаврӣ-ҷустуҷӯӣ, зани 27-сола аз ноҳияи Панҷ ҳамчун гумонбар дар содир намудани ғоратгарӣ дастгир шуд.
Нисбат ба далелҳои мазкур парвандаҳои ҷиноятӣ оғоз гардида, тафтиш давом дорад.
13 феврал дар Вазорати корҳои дохилӣ, Вазорати адлия, Кумитаи андоз ва Суди Олӣ нишасти матбуотӣ баргузор мегардад
Имрӯз дар баъзе ноҳияҳои алоҳидаи Тоҷикистон туман мефарояд
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
