Тоҷикобод: суҳбатҳо барои болоравии дониши экологии ҷавонон

Душанбе, 28.10.2015 (АМИТ “Ховар”).- Кормандони Бахши  ҳифзи муҳити  зисти ноҳияи Тоҷикобод дар муассисаҳои таҳсилоти умумии ҷамоати шаҳраку деҳоти ноҳия оид ба барномаи давлатии тарбия ва маърифати экологии  аҳолӣ  суҳбату вохӯриҳо мегузаронанд ва ин суҳбатҳо барои зиёдшавии дониши экологии ҷавонон  мусоидат мекунанд.

Бахши  ҳифзи муҳити  зисти ноҳияи Тоҷикобод   соли равон 102 маротиба санҷиши назоратӣ  гузаронида, барои бартараф намудани камбудиҳои  ошкоргардида 114 пешниҳод пешкаш кард, ки аз он 33 ҳолати вайронкунии қоидаҳо ҳалли худро ёфта, бартараф шуданд. Инчунин 91 нафар қонуншикан ошкор гардида, ба маблағи 5060 сомонӣ ҷарима шуданд, ки аз ин маблағ то имрӯз 4620 сомонӣ рӯёнида шудааст. Панҷ парвандаи дигар бо маблағи 800 сомонӣ ҷарима дар мақомоти судӣ мавриди баррасӣ қарор доранд.