Ваҳдат: 9 намунаи об ба талабот ҷавобгӯ нест

Душанбе, 27.10.2015 (АМИТ “Ховар”).-Кормандони маркази назорати давлатии санитарию эпидемиологии  шаҳри Ваҳдат  соли равон дар таҳлилгоҳи бактериологӣ  31 намунаи  обро ташхис намуданд, ки аз инҳо 9 намунааш ба ГОСТ 2874-82 ҷавобгӯ нест.  Инчунин 792 полуда аз муассисаҳои табобатӣ, муассисаҳои хӯроки умумӣ  ва муассисаҳои  коммуналӣ гирифта,  ташхис карда шуд, ки 142- тоаш  мусбат баромад.  Дар таҳлилгоҳи кимиёвӣ  46 намунаи об  аз обанборҳо  ва чоҳҳои хусуӣ, 204 намунаи хӯрок   ташхис шуданд, ки аз онҳо 111- тоаш ба талабот ҷавобгӯ намебошад.
Барои иҷро накардани  қоидаҳои санитарӣ  аз тарафи кормандони маркази мазкур  нисбат ба 149 шаҳрванд ҷарима таъйин шуда,  аз онҳо 19 ҳазору 140 сомонӣ маблағ ба фоидаи давлат ситонида шудааст.