Вазири алоқаи Русия: Бояд дар соҳаи алоқа меъёри одилона роҳандозӣ шавад

Октябрь 31, 2015 07:45

Душанбе, 31.10.2015.(АМИТ «Ховар»).-Николай Никифоров-намояндаи Шӯрои  ҳамоҳангсози  ИДМ  оид ба иттилоот, вазири алоқа ва иртиботи умумии Федератсияи Русия- зимни баромади худ дар  ҷаласаи  ҷамъбастии  Шӯрои сарони ҳукуматҳои  давлатҳои иштирокдори ИДМ дирӯз, 30 октябр дар Душанбе иброз дошт, ки  дар низоми  танзими  соҳаи  алоқа  нақши асосиро тартиби нархгузорӣ мебозад.
«Дар бештари ҳолатҳо дар натиҷаи барқарорсозии  тарофаҳо  усулҳои  наздик ба тарзи рақобатпазири нархгузорӣ  истифода мешавад, ки ин барои сарфаи ками операторон дар истеҳсолот имкон медиҳад»,-таъкид кард  Николай Никифоров. Вазири алоқа ва иртиботи умумии Федератсияи Русия ҳамчунин гуфт, зарур аст дар қонунгузориҳои Иттиҳоди минтақавӣ дар соҳаи алоқа, бахусус дар масъалаи  андозгузории дукарата, тартиботи иҷрои тарофагузорӣ ва асоси танзимгузорӣ-меъёри одилона дар сатҳи миллӣ  роҳандозӣ шавад.  
Дар ҳамин ҳол Татяна Холмуродова, муовини сардори Хадамоти алоқаи Тоҷикистон  иброз дошт, ки баимзорасии Созишнома дар соҳаи алоқа дар ҷаласаи  ҷамъбастии  Шӯрои сарони ҳукуматҳои  давлатҳои иштирокдори ИДМ барои пешрафти соҳаи алоқа имкониятҳои нав хоҳад дод. «Тоҷикистон, ки аз ҷануб бо Афғонистон ҳамсарҳад аст, дар соҳаи алоқа дар ин самт мушкилот вуҷуд дорад, аз ин рӯ мо кӯшиш мекунем, ки дар ҳудуди кишварҳои ИДМ мавқеи Тоҷикистонро дар соҳаи алоқа боз ҳам устувор гардонем»,-афзуд номбурда. Татяна Холмуродова ҳамчунин иттилоъ дод, ки дар  соҳаи алоқаи Тоҷикистон  пешравиҳо дида шуда, хизматрасониҳо аллакай бо 4-5G пайвастанд ва дар ин самт бо дигар кишварҳои ҳамсоя-Қирғизистон ва Ӯзбекистон  ҳамкорӣ зичтар  хоҳанд шуд.

Октябрь 31, 2015 07:45

Хабарҳои дигари ин бахш

Дар Ховалинг бахшида ба фаъолияти эҷодии шоир Ҳабибулло Файзулло маҳфили адабӣ доир мешавад
Дар ноҳияи Данғара ду коргоҳи истеҳсоли оксиген ба истифода дода шуд
Дар Донишгоҳи давлатии Хоруғ бахшида ба Рӯзи Ваҳдати миллӣ конфронси ҷумҳуриявӣ доир гардид
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
«Ҳар яки мо барои таҳкими ваҳдати сартосарӣ вазифадорем», — бардошт аз конференсия дар Донишгоҳи давлатии Кӯлоб
Бахшида ба таҷлили 2550-солагии Эъломияи ҳуқуқи башари Куруши Кабир дар Душанбе ҳамоиш доир шуд
Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
Дар басти аввал дар «Зимчуруд» 250 нафар кӯдакон ба истироҳат фаро гирифта шуданд
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Донишкадаи ҳуқуқи Сибир барои шаҳрвандони Тоҷикистон квотаи таҳсил ҷудо намуд