ВМКБ: Чорабинии пешгирикунанда оид ба нашъамандӣ

Душанбе, 27.10.2015 (АМИТ “Ховар”).- 23 октябр дар шаҳри Хоруғ  кормандони Раёсати Агентии назорати маводи нашъаовари назди Президенти ҶТ дар ВМКБ дар ҳамкорӣ бо Раёсати маорифи вилоят бо синфҳои болоии муассисаи таҳсилоти умумии №8 баҳри  пешгирии нашъамандӣ миёни ҷавонон   вохӯрӣ гузарониданд. 
Намояндагони агентӣ оид ба вазъи нашъамандӣ дар ҶТ, аз ҷумла дар вилояти Бадахшон маълумот пешниҳод намуда, аз оқибатҳои фоҷиаовари сӯйистеъмоли маводи нашъаовар ба толибилмон нақл карданд. Дар вохӯрӣ мусобиқа аз намуди  бозии шоҳмот байни толибилмон гузаронида шуд. 
Ба ҳамаи иштирокчиён варақаҳои иттилоотӣ оид ба пешгирии  нашъамандӣ ва ВНМО тақсим  шуданд.
Дар охир ғолибони мусобиқа ва фаъолон бо туҳфаҳои хотиравӣ ва ифтихорномаҳо қадрдонӣ гардиданд.