Вохӯрӣ бо намояндагони Барномаи мусоидат ба идораи сарҳадот
Душанбе, 23.10.2015. (АМИТ «Ховар»). -Дар бинои ВКД миёни намояндагони Вазорати корҳои дохилӣ ва Барномаи мусоидат ба идораи сарҳадот дар Осиёи Марказӣ (БОМКА) вохӯрӣ баргузор гардид.
Дар вохӯрии мазкур сардорони раёсат ва шуъбаҳои дахлдори Вазорати корҳои дохилӣ, намояндагони Барномаи мусоидат ба идораи сарҳадот дар Осиёи Марказӣ, аз ҷумла полковник Владимирс Загузовс — сардори Департаменти маъмурии Хадамоти давлатии сарҳадоти Ҷумҳурии Латвия, подполковник Раитис Тиликс — менеҷери минтақавии БОМКА ва дигарон иштирок доштанд.
Дар ҷараёни вохӯрӣ ҷонибҳо дар доираи барномаи мусоидат ба идораи сарҳадот дар Осиёи Марказӣ масъалаҳои баланд бардоштани самаранокӣ ва натиҷабахшии идораи сарҳадот дар Тоҷикистон, пешгирии савдои одамон, мумоилоти ғайриқонунии маводи мухаддир, воситаҳои нақлиёти рабудашуда, бақайдгирии гурезаҳо ва будубоши шаҳрвандони хориҷиро мавриди баррасӣ қарор доданд.
Намояндагони барномаи мазкур дар рушди ҳамкории судманд бо Вазорати корҳои дохилӣ, мусоидат намудан ба баргузории семинарҳои омӯзишӣ ва дигар мавзӯъҳои мавриди таваҷҷуҳ изҳори омодагӣ намуданд.
Бояд зикр кард, ки Барномаи мусоидат ба идораи сарҳадот дар Осиёи Марказӣ (БОМКА) асосан самтҳои татбиқи чораҳоро бо мақсади баланд бардоштани самаранокии санҷишҳои сарҳадӣ, ки ба савдо ва интиқоли қонунии молу амвол ва муқобилият ба шаклҳои гуногуни қочоқ равона шудаанд, дар бар мегирад.
Дар фарҷом миёни иштирокчиёни вохӯрӣ оид ба мавзӯъҳои баррасишаванда мубодилаи афкор сурат гирифт.
Дар Суди конститутсионӣ Рӯзи Парчами давлатӣ таҷлил гардид
Президенти Академияи миллии илмҳои Тоҷикистон ноиби президент ва академики Академияи илмҳои Осиё интихоб гардид
Алоқа барои сохтмон: чӣ тавр имконоти мобилӣ дар бунёди иншоот дар саросари Тоҷикистон кумак менамояд?
Имрӯз дар водиҳои Тоҷикистон ҳаво то 21 дараҷа гарм мешавад
ПАРЧАМИ МО ХУД САРИ БОЛОИ МОСТ! Дар шаҳру ноҳияҳои вилояти Суғд Рӯзи Парчами давлатӣ бошукуҳ таҷлил гардид
«ПАРЧАМАТ БОДО ПАРАФШОН, ТОҶИКИСТОНИ АЗИЗ!». Таҳти ин унвон дар Лахш ҳамоиши идона доир шуд
Дар Агентии суғуртаи иҷтимоӣ ва нафақа Рӯзи Парчами Тоҷикистонро ботантана ҷашн гирифтанд
Дар Москва Рӯзи Парчами давлатии Ҷумҳурии Тоҷикистон таҷлил гардид
Биогаз дар минтақаҳои деҳот: роҳи ҳал ё таҷрибаи муваққатӣ барои Тоҷикистон?
ZET-MOBILE натиҷаҳои давравии иқдоми «Миллионро гир» -ро барои моҳи октябр эълон намуд
Дар Донишгоҳи давлатии ҳуқуқ, бизнес ва сиёсати Тоҷикистон Рӯзи Парчами давлатиро бошукуҳ таҷлил намуданд
Имрӯз дар Тоҷикистон ҳавои камабри бебориш пешгӯӣ мешавад
