Ян Чжи Сай: «Дар Суғду Данғара ду корхонаи саноатӣ месозем»

Октябрь 14, 2015 09:51

Душанбе, 14.10.2015. (АМИТ «Ховар»).- Ян Чжи Сай-роҳбари Ҷамъияти дорои масъулияти маҳдуди  «Корхонаи саноати кӯҳии Тоҷикистону Чин» тасмим гирифтааст, ки  дар ҳамкорӣ бо Ҳукумати Ҷумҳурии Тоҷикистон то охири соли равон дар кишвари мо ду корхонаи  истеҳсоли маводи таркандаи эмулсиониро бунёд созад. 
Ян Чжи Сай-роҳбари ҶДММ «Корхонаи саноати кӯҳии Тоҷикистону Чин» дар ҳамоиши байналмилалии соҳибкории Душанбе-2015 «Саҳми соҳибкорӣ ва сармоягузорӣ дар рушди устувор» зимни суханронӣ гуфт, ки яке аз ин корхонаҳои  истеҳсолӣ дар ноҳияи Данғара ва дигаре дар Минтақаи саноатии  Тоҷикистону Чин, воқеъ дар вилояти Суғд бо ҳиссагузории 50% саҳми Тоҷикистон ва 50% саҳми сармоягузорони чинӣ сохта мешаванд.
«Агар то охири соли равон аз сохторҳои давлатӣ иҷозати заруриро дастрас намоем, тибқи ҳисобҳои пешакӣ мо имкон дорем дар давоми соли 2016 ин корхонаҳоро пурра мавриди баҳрабардорӣ қарор диҳем»,- афзуд сармоягузори чинӣ. 
Ян  Чжи Сай инчунин зикр кард, ки дар доираи ҳамоиши байналмилалии соҳибкории Душанбе- 2015 бо мақсади тақвияти ҳамкорӣ тасмим дорем, ки байни Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва ҶДММ  «Ширкати кӯҳии саноатии Тоҷикистону Чин» Ёддошти тафоҳуми ҳамкорӣ дар мавриди сохтмони ду корхонаи истеҳсоли маводи таркандаи саноатӣ дар ноҳияи Данғара ва «Минтақаи саноатии Тоҷикистону Чин»  ба имзо расонем.
Ян Чжи Сай таъкид кард, ки ҳамоиши байналмилалии соҳибкории Душанбе -2015, ки дар он намояндагони 35 кишвари ҷаҳон ширкат доранд,  дар самти ба роҳ мондани ҳамкории мутақобилан  судманд нақши муассир хоҳад гузошт.   

Октябрь 14, 2015 09:51

Хабарҳои дигари ин бахш

Имрӯз дар ноҳияҳои кӯҳии Тоҷикистон ҳаво то 35 дараҷа гарм мешавад
Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб