Ярмарка-намоиши маҳсулоти ширкатҳои Ҳиндустон дар Суғд

Душанбе, 02.09.2015. (АМИТ «Ховар»).- «Ин чорабинии иқтисодӣ дар тавсеаи равобити ду кишвар дар заминаи тиҷорат ва ҷалби сармояи Ҳиндустон ба соҳаҳои гуногуни хоҷагии халқи Тоҷикистон нақши калон хоҳад бозид»,- зикр шуд имрӯз, 2 октябр зимни ифтитоҳи намоиш-фурӯши маҳсулоти Ҳиндустон дар Қасри варзиши шаҳри Хуҷанд.  Ярмарка-намоиши молу маҳсулоти ширкатҳои Ҷумҳурии Ҳиндустон то 11 октябр идома меёбад. 
Умед аст, ки тавассути ташкили чунин ярмаркаҳо муносибатҳои минбаъдаи ҷонибҳо рушду тавсеа ёфта, боиси афзоиши назарраси ҳаҷми гардиши тиҷоратӣ байни ду кишвар ва сармоягузориҳои мустақими Ҳиндустон ба иншооти стратегии иқтисоди Тоҷикистон мегарданд.
Хотиррасон бояд кард, ки дар ярмаркаи мазкур 20 ширкати бонуфузи Ҷумҳурии Ҳиндустон маҳсулоти худ, аз қабили маҳсулоти нассоҷӣ, чармӣ, ҷавоҳирот, ороишот, атриёт ва дигар маҳсулоти аз ҳунарҳои дастӣ тавлидшударо пешкаши тамошобинон ва муштариён мегардонанд.
Дар ин бора аз Хадамоти матбуоти раиси вилояти Суғд хабар доданд.