Ёвон: Ғолибони «Соҳибҷамол» қадрдонӣ шуданд

Душанбе, 23.10.2015 (АМИТ «Ховар»).- Имрӯз дар ноҳияи Ёвони вилояти Хатлон бахши ҷавонон варзиш ва сайёҳии ноҳия дар ҳамкорӣ бо шуъбаҳои маориф ва илми Ҷумҳутии Тоҷикистон,  Кумитаи кор бо занон ва оилаи мақомоти иҷроияи ҳокимияти давлатии ноҳия бо  мақсади дастгирии истеъдодҳои ҷавон, баланд бардоштани маърифату ҷаҳонбинӣ, таҳкими ҳисси худшиносиву ватандӯстии ҷавонон, эҳтироми суннату арзишҳои неки фарҳанги миллӣ, баланд бардоштани мақоми зан дар ҷомеа, тарбияи ҷавондухтарон дар рӯҳияи зебоипарастӣ, ахлоқи ҳамида, ҳидояти насли наврас ба ҷодаи эҷодкориву созандагӣ, омода намудани ҷавондухтарон  ба ҷодаи зиндагӣ ва бахшида ба эълон гардидани Соли 2015 ҳачун соли оила озмуни ноҳиявии «Соҳибҷамол» дар байни ҷавондухтарони 16-25- солаи ноҳия баргузор гардид.  Тавре ки ба АМИТ «Ховар» корманди бахши ҷавонон, варзиш ва сайёҳии ноҳияи  Ёвон Субҳиддин Иззатов иттилоъ дод, озмун дар ду давр сурат гирифта, даври аввал дар ҷамоати шаҳраку деҳоти ноҳияи Ёвон, муасисаҳои таҳсилоти умумӣ ва аз коллеҷу литсейҳои техникӣ баргузор гардид.
Даври дуюми озмун имрӯз  дар маркази ноҳияи Ёвон баргузор гардида, дар озмун зиёда аз 56 довталаб иштирок намуд. 
Ғолибони озмун аз ҷониби бахши ҷавонон, варзиш ва сайёҳии ноҳия бо диплому туҳфаҳои хотирмон қадрдонӣ шуданд.