Ҷаласа оид ба ҳуқуқи кӯдак дар ҳузури М. Ҷабборӣ
Душанбе, 5.11.2015. (АМИТ «Ховар»).- 4 ноябр дар ҳузури муовини Сарвазири Ҷумҳурии Тоҷикистон Марҳабо Ҷабборӣ ҷаласаи навбатии Комиссияи назди Ҳукумати Ҷумҳурии Тоҷикистон оид ба ҳуқуқи кӯдак баргузор гардид, ки дар он масъалаҳои вобаста ба ҷамъбасти фаъолияти комиссия дар соли 2015, лоиҳаи Нақшаи кори Комиссияи назди Ҳукумати Ҷумҳурии Тоҷикистон оид ба ҳуқуқи кӯдак барои соли 2016 ва ҳисоботи даврии сеюм, чорум ва панҷуми Ҷумҳурии Тоҷикистон оид ба иҷрои Конвенсияи Созмони Милали Муттаҳид дар бораи ҳуқуқи кӯдак барои солҳои 2010-2015 мавриди баррасӣ қарор гирифтанд. Таъкид шуд, ки дастоварди муҳими комиссия дар соли равон таъсиси воҳиди нави сохторӣ — шуъбаи ҳифзи ҳуқуқи кӯдак дар Дастгоҳи иҷроияи Президенти Ҷумҳурии Тоҷикистон ба шумор рафта, масъалаи таъсиси ин воҳиди сохторӣ аз нишондиҳандаҳои Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон аз 23 январи соли 2015 ба ҳисоб меравад. Тибқи Фармони Президенти Ҷумҳурии Тоҷикистон аз 15 июли соли 2015 «Дар бораи ворид намудани тағйиру иловаҳо ба баъзе фармонҳои Президенти Ҷумҳурии Тоҷикистон» сохтори Дастгоҳи иҷроияи Президенти Ҷумҳурии Тоҷикистон таҷдид гардида, шуъбаи кафолатҳои ҳуқуқи инсони Дастгоҳи иҷроияи Президенти Ҷумҳурии Тоҷикистон ба раёсат табдил ёфт ва дар таркиби он шуъбаи ҳифзи ҳуқуқи кӯдак ташкил шуд. Шуъбаи мазкур моҳиятан вазифаи котиботи Комиссияи назди Ҳукумати Ҷумҳурии Тоҷикистон оид ба ҳуқуқи кӯдакро иҷро менамояд.
Дар ҷаласа ҳамчунин зикр гардид, ки Ҷумҳурии Тоҷикистон аз соли 1993 аъзои Конвенсияи Созмони Милали Муттаҳид дар бораи ҳуқуқи кӯдак мебошад ва то имрӯз ду маротиба ба Кумитаи Созмони Милали Муттаҳид оид ба ҳуқуқи кӯдак (с.1998 ва с. 2008) доир ба ҷараёни амалишавии конвенсияи мазкур ҳисобот пешниҳод намудааст.
Дар ҷаласа ҳамчунин нақшаи кори Комиссияи назди Ҳукумати Ҷумҳурии Тоҷикистон оид ба ҳуқуқи кӯдак барои соли 2016 тасдиқ шуд. Лозим ба таъкид аст, ки дар кори ҷаласа ҳамчунин намояндагони Хазинаи Кӯдакони Созмони Милали Муттаҳид оид ба ҳуқуқи кӯдак иштирок намуданд.
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар водиҳои Тоҷикистон ҳаво то 18 дараҷа гарм мешавад
Дар Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроӣ машғулияти омӯзишӣ доир шуд
Имрӯз дар шаҳри Душанбе ҳаво то 15 дараҷа гарм мешавад
Мағозаи интернетии shop.megafon.tj: муносибтар, зудтар, муфидтар
Имрӯз дар Тоҷикистон ҳавои тағйирёбандаи бебориш пешгӯӣ шуда, туман мефарояд
Бахшида ба Рӯзи матбуоти тоҷик дар Маркази тадқиқоти стратегӣ ҳамоиш баргузор гардид
Мавқеи воситаҳои ахбори омма дар таҳкими худшиносии миллӣ назаррас аст
Дар шаҳри Хоруғ мусобиқаи «Ватанпарвар» баргузор гардид
Имрӯз дар Тоҷикистон ҳавои тағйирёбанда пешгӯӣ мешавад
Дар минтақаи доманакӯҳии атрофи маҳаллаи Зарафшон ниҳолҳои мевадиҳанда шинонида шуданд
«ҲАР ОН КАС, КИ «ШОҲНОМА»-ХОНӢ КУНАД…». Дар Осорхонаи миллӣ маҳфили «Шоҳномахонӣ» баргузор гардид
