Ҳалок гардидани се ҷавони 20-сола дар садамаи нақлиётӣ

Душанбе, 26.11.2015. (АМИТ «Ховар»). -25-уми ноябри соли равон ронандаи мошини тамғаи “Опел-Вектра”, ҷавони 20-сола, донишҷӯи бахши 3-юми Донишгоҳи давлатии ҳуқуқ-бизнес ва сиёсати Тоҷикистон дар шаҳри Хуҷанд, ҳангоми ҳаракат дар шоҳроҳи “Душанбе-Хуҷанд-Чаноқ”, дар ҳудуди ҷамоати деҳоти Деҳмой бехатарии ҳаракати роҳро таъмин карда натавониста, ба мошини тамғаи “КИА-Спортеж”, таҳти идораи ронанда, сокини  42-солаи шаҳри Панҷакент бархӯрдааст.
Дар натиҷа мусофирони мошини “Опел-Вектра”-се ҷавони 20-сола  ҷароҳатҳои вазнини ҷисмонӣ бардошта, дар беморхона ба ҳалокат расидаанд. Мусофирони дигар бо ҷароҳатҳои гуногуни ҷисмонӣ дар беморхона бистарӣ шудаанд.