Барои аз байн бурдани партовҳои радиатсионӣ мутахассисони Аврупо ҷалб карда мешаванд
Хуҷанд, 03.11.15. (АМИТ «Ховар»). — Дар ҷараёни мулоқоти раиси вилояти Суғд Абдураҳмон Қодирӣ бо намояндаи Комиссияи аврупоӣ Мартин Андерсон ва гурӯҳи мутахассисони ширкати «Визутек» — и Олмон масъалаи мушкилоти экологии вилоят мавриди муҳокима қарор гирифт.
Тавре ки Абдураҳмон Қодирӣ изҳор дошт, дар маҳаллаи Рухаки шаҳри Истиқлоли вилоят партовҳои радиатсионии фулузоти нодир арзи вуҷуд доранд.
Роҳбари вилоят гурӯҳи кориро аз тадбирҳои зарурӣ барои коҳиш додани таъсири партовҳои радиатсионӣ ба муҳити зист воқиф намуда, изҳор дошт, ки айни ҳол дар минтақаҳои зикршуда корҳо барои сохтани деворҳо ва регпӯш кардани партовҳои радиатсионӣ идома доранд.
Мутахассисони ширкати «Визутек» изҳор доштанд, ки ширкати мазкур ба арзёбии вазъи муҳити зист ва безарар гардонидани партовҳои радиатсионӣ машғуланд. Онҳо омодагии худро барои расонидани ёрӣ ба Тоҷикистон ҷиҳати ҳалли ин мушкилот иброз доштанд.
Барои омӯхтани вазъи партовҳои радиатсионӣ ва безарар гардонидани онҳо ва таҳқиқи дақиқи таъсири партовҳои радиатсионӣ ба муҳити зист мутахассисони Аврупо ҷалб карда мешаванд. Лоиҳаи мазкур бо дастгирию маблағғузории Иттиҳоди Аврупо дар амал татбиқ карда мешавад.
Дурнамо ва густариши ҳамкорӣ байни Тоҷикистон ва Покистон баррасӣ гардид
Далер Наимов: «Дастаи мо аз шахсони зираку кордон иборат аст»
Имрӯз дар Душанбе ҳавои камабри бебориш дар назар аст
Дар шаҳри Истаравшан ҳунари шонасозӣ ривоҷи тоза меёбад
Имрӯз дар Тоҷикистон ҳаво то 40 дараҷа гарм мешавад
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
