БДА: Ҳаракати воситаҳои нақлиёт манъ мешавад

Душанбе, 23.11.15. (АМИТ «Ховар»). -Ба маълумоти ронандагони воситаҳои нақлиёт, мусофирон ва меҳмонони пойтахт расонида мешавад, ки бахшида ба Рӯзи Парчами давлатӣ 24-уми ноябри соли равон ҳангоми баргузории чорабинӣ-роҳпаймоӣ дар хатсайри Муҷассамаи Сино — тавассути хиёбонҳои Сомонӣ — Рӯдакӣ то Муҷассамаи Исмоили Сомонӣ аз соати 07:00 то анҷоми чорабинӣ , кӯчаи Ҳофизи Шерозӣ назди «Наврӯзгоҳ» аз соати 16:00 то анҷоми чорабинӣ ҳаракати воситаҳои нақлиёт маҳдуд ва қисман қатъ гардонида мешавад.
Аз ронандагони воситаҳои нақлиёт хоҳиш мешавад, ки дар ин рӯз аз роҳҳои ҳамшафати ин хатсайр, яъне кӯчаҳои Саъдии Шерозӣ, Қаҳҳоров, Сино, Карамов, Турсунзода, Бухоро, Шевченко, Назаршоев, Академик Раҷабов истифода баранд.