Дар Озарбойҷон ҳизби ҳукмрон раъйи аксариятро ба даст овард

Душанбе, 02.11.15. (АМИТ «Ховар»). — Дар  интихоботи  парлумони  Озарбойҷон ҳизби  ҳукмрони «Ени  Азербайҷан» («Озарбойҷони  нав»)  пирӯз  шуд. Дар  ин  бора Комиссияи  марказии  интихоботии Озарбойҷон  хабар  медиҳад. 
Намояндагони  «Ени  Азбербайҷан» аз ҷумла бонуи  аввал Меҳрубон Алиева аз ҷумлаи  125 ҳавза  дар  71  ҳавза  пирӯз  шуданд. Аз  ин пеш  ҳамсари  президент  Илҳом  Алиев  солҳои  2005 ва  2010  ду  маротиба ваколатномаи  Миллӣ  Меҷлисро  ба даст оварда  буд. 
Мувофиқи  маълумоти  пешакӣ  дар  интихобот  55,7  фоизи овоздиҳандагон  иштирок намуданд. Интихобот  дар  ҳамаи  қитъаҳо  баргузоршуда  дониста шуд. 
767  нафар  номзадҳо  барои 125 ҷой дар мақомоти  қонунгузорӣ  мубориза бурданд. Дар  интихобот  намояндагони 15  ҳизб  иштирок намуда, боз ҳафт созмони  сиёсӣ  дар  гурӯҳи «Азадлик — 2015» («Озодӣ — 2015»)  муттаҳид  шуданд. 
Дар  Озарбойҷон  қариб  5,2  миллион  нафар ҳуқуқи  овоздиҳиро  доранд. Дар  рӯзи овоздиҳӣ  беш  аз 5, 5  ҳазор  қитъаҳои овоздиҳӣ  фаъолият  доштанд.  Қариб  66 ҳазор нафар мушоҳидон, аз ҷумла беш  аз  500  нафар  намояндагони 27  кишвар ба  қайд  гирифта шуданд.