Дуздӣ аз дохили мошин

Душанбе, 20.11.2015. (АМИТ «Ховар»). -Ба ШВКД-1 дар ноҳияи Сино, сокини 50-солаи шаҳри Панҷакент муроҷиат намудааст, ки 14-уми ноябри соли равон, тахминан соати 03:15 ҳангоми дар дохили бозори “Деҳқон”-и шаҳри Душанбе буданаш шахсони номаълум бо роҳи пинҳонӣ аз дохили мошини шахсиаш тамғаи “Портер”, 2800-сомонӣ, 10000-рубли Федератсияи Русия, ду курткаи мардона ва як насоси электронӣ, ки арзиши умумиашон 4000-сомониро ташкил медиҳад, дуздида аз ҷойи ҳодиса ғайб задаанд. Зимни гузаронидани чорабиниҳои фаврӣ-ҷустуҷӯӣ аз ҷониби кормандони милитсия сокини 18-солаи ноҳияи Муъминобод бо гумони даст доштан дар ҷиноятӣ дуздӣ дастгир  шуд. Нисбат ба далели мазкур парвандаи ҷиноӣ оғоз гардида тафтиш, давом дорад.