Хуҷанд: иҷрои нақшаи таъмири роҳҳо зиёда аз 107% иҷро гардид

Хуҷанд, 16.11.2015 (АМИТ «Ховар»).-Дар шаҳри Хуҷанд-маркази Суғд дар даҳ моҳи соли равон иҷрои “Барномаи вилоятии «Соли 2015 — идомаи соли роҳҳои обод», ки бо мақсади таъмиру навсозӣ ва беҳтар намудани ҳолати роҳҳои ҳудуди вилоят қабул шудааст, ба андозаи 107,3 фоиз иҷро гардид.
Тавре ки ба АМИТ “Ховар” аз шуъбаи нақлиёт ва алоқаи мақомоти шаҳрӣ иттилоъ доданд, соли равон дар шаҳри Хуҷанд таъмири  57,1 км роҳҳо ба нақша гирифта шуда, иҷрои он то нимаи аввали моҳи ноябр ба 61,25 км расидааст, ки ин нишондиҳанда барзиёд мебошад. 
Аз ҷумла, то  10 ноябр мутобиқи маълумоти шуъбаи мазкур ба ҷойи 39,1 км дар масоҳати 40,1 км корҳои таъмири кулл ва ба ҷойи 18 км нақшавӣ дар масоҳати 22 км таъмири ҷорӣ ба анҷом расонида шудааст.
Ҳоло дар панҷ кӯчаи шаҳр корҳои мумфаршкунӣ идома дошта, кормандони муассисаи давлатии истифодаи роҳхои Хуҷанд ният доранд то интиҳои ҳафтаи нав таъмири кӯчаҳои мазкурро аз таъмир бароранд. 
Дар умум  то аввали моҳи ноябри соли ҷорӣ дар миқёси вилояти Суғд  дар доираи Барномаи вилоятии «Соли 2015 — идомаи соли роҳҳои обод» ҳолати 3344 км роҳҳои шаҳру ноҳияҳо  беҳтар гардидааст.