“Хуҷандатлас” азм дорад шӯҳрати атласи Хуҷандро эҳё намояд

Ноябрь 26, 2015 08:58

Хуҷанд, 26.11.2015. (АМИТ “Ховар”).- Роҳбарияти шаҳри Хуҷанд ва ҷомеаи меҳнатии коргоҳи “Хуҷандатлас” азм доранд шуҳрати атласи Хуҷандро аз нав боло бардоранд. 
Тавре ки ба АМИТ “Ховар” роҳбари маркази иттилоотии мақомоти шаҳри Хуҷанд Маҳмудҷон Дадобоев хабар дод,  дирӯз бо мақсади аз наздик шинос шудан бо вазъ ва фаъолияти имрӯзаи коргоҳи «Хуҷандатлас» раиси шаҳри Хуҷанд Раҷаббой Аҳмадзода ҳамроҳ  бо роҳбарони воҳидҳои сохторӣ, масъулини корхонаи коркарди пиллаи «ВЕТТОҶ» аз коргоҳи «Хуҷандатлас» дидан кард. 
Ҳоло дар корхонаи «Хуҷандатлас» бинобар маҳдудияти ашёи хом- абрешим теъдоди маҳдуди кормандон фаъолият доранд.
Новобаста ба ин, то имрӯз маҳз бо кӯшиши роҳбарияти корхона истеҳсоли беш аз 30 намуди атласи машҳури Хуҷанд имкон дошта, барои таҳияи нақшу намудҳои нави атлас  корҳо  идома доранд.
Дар коргоҳи мазкур беҳтарин кормандону ҳунармандони атласбарорӣ, аз қабили «Абрбандон», «Қаткушоён», «Йормачиён» ва бофандагон ба кор ҷалб шуда, бо дастони моҳири онон сатҳу сифати атласи хуҷандӣ беҳтар мегардад.
    Баъди шиносоӣ бо фаъолияти коргоҳ раиси шаҳри Хуҷанд бо мутасаддиёни соҳа ҷаласаи корӣ доир намуд.   Зимни машварати корӣ шаҳрдор таъкид намуд, ки имрӯз барои таъмини фаъолияти мунтазами корхонаҳои «Хуҷандатлас» ва «ВЕТТОҶ» таъмини саривақтии онҳо бо ашёи хом, таҳияи  дурнамои муштарак, тарғиби атласи ватанӣ, баргузории чорабиниҳои фарҳангӣ ва тарғиботӣ бо мақсади ҷалби ҳар чӣ бештари харидорон ва ҳаводорони матои атлас  тадбирҳои мушаххас андешида шаванд.
   Раҷаббой Аҳмадзода баргузории фестивал-озмуни беҳтарин тарроҳон ва дӯзандагони либоси миллиро бо истифодаи матои атласи истеҳсоли Хуҷанд мувофиқи мақсад арзёбӣ намуда,  барои ташкили мағозаҳои махсуси фурӯши матои атласи Хуҷанд дар шаҳрҳои Душанбе ва Қурғонтеппа дастур дод. 

 

Ноябрь 26, 2015 08:58

Хабарҳои дигари ин бахш

Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст