Ҷиргатол: ҷамъомади идона ба шарафи ҷашни Сарқонун

Ҷиргатол, 4.11.2015. (АМИТ «Ховар»).-Дар Мақомоти иҷроияи ҳокимияти давлатии ноҳияи Ҷиргатол ҷашни 21-умин  солгарди Сарқонуни Ҷумҳурии Тоҷикистон баргузор гардид. Дар маҷлиси тантанавӣ  раиси ноҳия Умедхоҷаи Зоир, роҳбарони мақомоти ҳифзи ҳуқуқ, фаъолон, зиёиён, донишҷӯён ва аҳли ҷамъияти ноҳия иштирок доштанд. Раиси ноҳия Умедхочаи Зоир сокинони   ноҳияро бо солгарди Сарқонуни Ҷумҳурии Тоҷикистон табрик намуда, гуфт, ки Сарқонуни  кишвар барои пойдории ҳокимияти конститутсионӣ, таҳкими рукнҳои давлатдорӣ, ба вуҷуд овардани асосҳои ҷомеаи шаҳрвандӣ ва муҳайё намудани фазои мусоид барои ташаккули ҳар фард заминаи мустаҳкам мегузорад.
Дар ҷамъомад  прокурори ноҳия Давлатзода  Маҳмудҷон,  раиси Суди ноҳия Хидирзода Батир, намояндаи  Кумитаи минтақавии зидди маводи нашъаовар Маҳмаднаим Маризоев ва донишҷӯи Коллеҷи омӯзгории ноҳия Зулфизар Тиборов дар бораи аҳамияти муҳими  Сарқонуни Ҷумҳурии Тоҷикистон суханҳои судманд гуфтанд.