Исфара: Парчами давлатӣ баёнгари соҳибистиқлолии мамлакат аст

Исфара, 25.11.2015. (АМИТ «Ховар»).- Чорабинии идона бахшида ба Рӯзи Парчами давлатӣ дар шаҳри Исфара бо роҳпаймоӣ шурӯъ гардид.
Аз субҳи барвақт сокинони сершумори шаҳр бо парчами давлатӣ ва шиору навиштаҷоти васфкунандаи соҳибихтиёрии милливу давлатӣ ва ифтихор аз ватандорию нишоту шодмонӣ ба сӯи маркази чорабиниҳо равона мешуданд. 
Тантанаи идона дар майдони Имоили Сомонӣ бо ширкати намояндагони мақомоти иҷроияи ҳокимияти давлатӣ, роҳбарони ҷомеаҳои меҳнатӣ, омӯзгорон ва муҳассилини муассисаҳои маориф ва собиқадорон  сурат гирифт. 
Иштирокдорон баён доштанд, ки: «24-уми ноябр барои тоҷикону тоҷикистониён на танҳо рӯзи арҷгузорӣ ба Парчами давлатӣ, балки ҳамчунин санаи гиромидошти арзишҳои деринаи таърихию фарҳангӣ ва маънавии миллӣ, гузашта аз ин, рӯзи эҳтироми миллат ва давлату давлатдорӣ маҳсуб мешавад».