КМТ: «Нақши библиография дар тарғиби китоб»-семинар

Душанбе, 10.11.2015 (АМИТ «Ховар»).-Имрӯз дар Китобхонаи миллии Тоҷикистон    дар мавзӯи «Нақши библиография дар тарғиби китоб» семинар  баргузор гардид, ки  дар он як зумра олимону коршиносони соҳаи библиография ва китобдорӣ сухан гуфтанд. Олимону коршиносони соҳаи библиография ва китобдорӣ дар мавзӯъҳои «Истифодаи технологияи муосир дар таҳияи дастурҳои библиографӣ», «Нақши китобхона дар тарғиби сарватҳои иттилоотӣ», «Нашри библиографияи ҷорӣ ва тарҷеъ: вазъ ва дурнамо», «Омилҳои рушди библиографияи адабиёти кўдакону наврасон», «Саҳми олимони тоҷик дар рушди библиографияи миллӣ»,   «Саҳми фестивали китоб ва мусиқӣ дар тарғиби библиография» ва «Раванди кори маълумотдиҳӣ — библиографӣ дар китобхонаи илмии Донишгоҳи тиббии Тоҷикистон» баҳсҳо намуданд.
Ёдовар мешавем, ки семинари мазкур бо ташаббуси шуъбаи хизматрасонии библиографии Китобхонаи миллии Тоҷикистон гузаронида шуд.