Конфронси илмии байналмилалӣ бахшида ба зодрӯзи Аълохон Афсаҳзод
Душанбе, 17.11.2015. (АМИТ «Ховар»).-18-уми ноябр дар Академияи илмҳои Ҷумҳурии Тоҷикистон конфронси илмии байналхалқӣ бахшида ба 80- солагии зодрӯзи адабиётшиноси маъруфи тоҷик, Арбоби шоистаи илмии Тоҷикистон, доктори илми филология, профессор, узви Иттифоқи нависандагон, Иттифоқи ходимони театрӣ ва Иттифоқи журналистони Тоҷикистон, дорандаи Ҷоизаи байналмиллалии «Баҳори озодӣ» (Ҷумҳурии исломии Эрон) Аълохон Афсаҳзод доир мегардад.
Дар конфронси мазкур Президенти Академияи илмҳои Ҷумҳурии Тоҷикистон академик Фарҳод Раҳимӣ сухан мекунад. Ҳамчунин раиси Иттифоқи нависандагони Тоҷикистон Низом Қосим дар мавзӯи «Аълохон Афсаҳзод — адиби варзидаи тоҷик» ва узви вобастаи АИҶТ Мирзо Муллоаҳмадов доир ба мавзӯи «Мактаби Аълохон Афсаҳзод дар рушду такомули фарҳанг ва худшиносии миллӣ» маърӯза хоҳанд кард.
Адабиётшиноси маъруф Аълохон Афсаҳзод соли 1935 дар деҳаи Рукнободи шаҳри Панҷакент ба дунё омада, соли 1999 дар шаҳри Душанбе аз олам даргузашт. Ӯ дар давоми қариб чиҳил соли ҷустуҷӯ ва омӯзишу пажӯҳишҳои ҳадафманди илмӣ дар соҳаҳои гуногуни фарҳангу адабиёту маорифи миллӣ бештар аз 700 асару мақолаи мукаммал офарида, зиёда аз 50 олими унвондори сазовор тарбият намудааст.
Тоҷикистон ва Қазоқистон ҳамкориро дар доираи низоми ягонаи энергетикии Осиёи Марказӣ тақвият медиҳанд
Дар Тоҷикистон дар беш аз 800 гектар боғу токзори нав бунёд гардид
Имрӯз дар Тоҷикистон ҳавои абрнок пешгӯӣ мешавад
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
