Маҷмӯаи «Фаъолияти иқтисодии хориҷии Ҷумҳурии Тоҷикистон» нашр шуд

 Душанбе, 27.11.2015. (АМИТ «Ховар»).-Дар маҷмӯаи оморӣ оид ба  фаъолияти иқтисодии хориҷии Ҷумҳурии Тоҷикистон дар солҳои 2010-2014 маълумот пешниҳод шудааст. Дар бораи содирот, воридоти мол ва хизматрасонӣ барои якчанд сол бо тақсимоти ҷуғрофии мамлакатҳо ва минтақаҳо, динамикаи гардиши савдои хориҷӣ, содирот, воридот аз рӯи мамлакатҳои ИДМ ва дигар мамлакатҳои ҷаҳон,  оид  ба  содирот, воридоти хизматрасониҳои байналхалқӣ аз рӯи намуд ва мамлакатҳо, дар бораи фаъолияти корхонаҳои муштарак, сармояҳои мамлакатҳои хориҷи наздик ва дур маълумот оварда шудаанд.
Манбаи маълумоти иттилоотии пешниҳодкардаи Хадамоти гумруки назди Ҳукумати Ҷумҳурии Тоҷикистон, корхонаҳо ва ташкилоти ҷумҳурӣ, ки субъектҳои фаъолияти иқтисоди хориҷӣ мебошанд, ба шумор мераванд.