Муколамаи аҳли тиҷорати СҲШ дар Маскав доир мешавад

Душанбе, 18.11.15. (АМИТ «Ховар»). — Дар  арафаи иҷлосияи ҳарсолаи Шӯрои  сарони ҳукуматҳои  давлатҳои  аъзои Созмони  Ҳамкории  Шанхай 3  декабр  дар  шаҳри  Маскав Форуми V  байналмилалии тоҷирон  таҳти  унвони «Муколамаи маскавии аҳли тиҷорати СҲШ»  баргузор  мегардад. 
Иштирокдорони  форум  масоили истифодаи имконоти  СҲШ барои  рушди Иттиҳоди  иқтисодии   Авруосиё  ва  лоиҳаи «Камарбанди  иқтисодии  Роҳи  абрешим» — ро   баррасӣ  менамоянд.
Дар  ҳошияи  форум  доир  намудани иҷлосияи  умумӣ ва силсилаи мизҳои  мудаввар  дар самтҳои  мухталифи  ҳамкории  иқтисодӣ,  аз  қабили  энергетика,  нақлиёт,  сармоягузорӣ  ба  сохтмон,  ҳамчунин  дар  бонку  молиёт  дар  назар  аст. 
Ёдовар  мешавем, ки  СҲШ  18  кишвар,  аз  ҷумла  Тоҷикистон,  Русия, Чин,  Қазоқистон,  Ҳиндустон,  Беларус, Қирғизистон ва  ғайраро  дар  бар  мегирад.