Мулоқоти Аҳтам Абдуллозода бо намояндагони Давлати Қатар
Душанбе, 03.11.2015 (АМИТ «Ховар»).- 2 ноябри соли 2015 Аҳтам Абдуллозода, раиси Кумитаи ҷавонон, варзиш ва сайёҳӣ бо намояндаи Идораи сармоягузории Давлати Қатар Муҳаммад Мусаллам мулоқот кард. Дар мулоқот ҷонибҳо атрофи ҳамкории кишварҳо дар бахши туризм гуфтугӯ карданд. Аҳтам Абдуллозода таъкид дошт, ки ҷонибҳо бояд имкониятҳои ҳанӯз истифоданашударо барои ҳамкории бештар истифода намоянд. Муҳаммад Мусаллам, намояндаи Идораи сармоягузории Давлати Қатар зимни мулоқот аз ҳамкории ҷонибҳо изҳори ҳавасмандӣ карда, гуфт: “Мо дар ҳамаи самтҳо сармоягузорӣ мекунем. Аз ҷумла, дар бахши энергетика, бонкдорӣ ва сайёҳӣ.” Номбурда аз таърихи ҳамкории кишварҳо ёдовар гардида, изҳор намуд, ки: “Мо омодаем дар бахши сайёҳӣ сармоягузорӣ намоем”. Дар мулоқот инчунин намояндаи Вазорати корҳои хориҷӣ ва Фонди хайриявии Давлати Қатар Султон Асирӣ иштирок намуданд. Пас аз мулоқот меҳмонон бо имкониятҳои сайёҳии Тоҷикистон ва лоиҳаҳо барои сармоягузорӣ ошно гардиданд.
Дар ин бора Наврӯз Қурбонов, мутахассиси пешбари Бахши таҳлилу иттилооти Кумитаи ҷавонон, варзиш ва сайёҳӣ иттилоъ дод.
Мағозаи интернетии shop.megafon.tj: муносибтар, зудтар, муфидтар
Имрӯз дар Тоҷикистон ҳавои тағйирёбандаи бебориш пешгӯӣ шуда, туман мефарояд
Бахшида ба Рӯзи матбуоти тоҷик дар Маркази тадқиқоти стратегӣ ҳамоиш баргузор гардид
Мавқеи воситаҳои ахбори омма дар таҳкими худшиносии миллӣ назаррас аст
Дар шаҳри Хоруғ мусобиқаи «Ватанпарвар» баргузор гардид
Имрӯз дар Тоҷикистон ҳавои тағйирёбанда пешгӯӣ мешавад
Дар минтақаи доманакӯҳии атрофи маҳаллаи Зарафшон ниҳолҳои мевадиҳанда шинонида шуданд
«ҲАР ОН КАС, КИ «ШОҲНОМА»-ХОНӢ КУНАД…». Дар Осорхонаи миллӣ маҳфили «Шоҳномахонӣ» баргузор гардид
Ҳамёни рақамӣ дар «МегаФон Life» боз ҳам мувофиқтар шуд
Имрӯз дар Тоҷикистон борони бошиддат меборад
Дар ноҳияи Роштқалъа корҳои биотехникӣ идома доранд
Дар Ҳисор муоинаи техникаҳои кишоварзӣ ва омодагии онҳо ба мавсими кишт гузаронида шуд
