Оҳангсози асил инсонро ба созандагӣ ҳидоят мекунад

Душанбе, 26.11.2015. (АМИТ Ховар).-27 ноябри соли ҷорӣ дар толори Консерваторияи миллии Тоҷикистон барномаи консертӣ бахшида ба эҷодиёти оҳангсози барҷастаи тоҷик Саид Ҳамроев баргузор мегардад.
Сюитаи рақсии «Кӯҳистонӣ», оҳангҳои «Лола» барои чанг ва оркестри созҳои миллӣ, «Сози ишқ» барои рубоб, «Сарахбор» ва «Ду сарахбор»  барои фортепиано, «Фантазия» ва «Дили ман» барои най аз ҷумлаи оҳангҳои маъруфи эҷодкардаи  Саид Ҳамроев дар тӯли фаъолияти эҷодӣ мебошанд.
Дар барномаи консертӣ сурудҳо аз оҳангҳои эҷодкардаи Саид Ҳамроев дар  иҷрои ҳунармандони маъруфи кишвар-  сардирижёр Давлат Қурбонов, Каримҷон Давлатов, Ҳамдам Миралиев, Саидаҳмад Табаров, Мастона Эргашева, Акбар Мирраҷабов ва дигарон иҷро  мешаванд.