Ҳодисаҳои нохуши нақлиётӣ дар роҳҳо

Душанбе, 02.11.2015. (АМИТ «Ховар»). -31-уми октябр ронандаи мошини тамғаи “Лабо”, сокини  57-солаи ноҳияи Рӯдакӣ, ҳангоми ҳаракат аз самти ҷамоати деҳоти Гулистон ба самти ҷамоати деҳоти Русияи ноҳияи Рӯдакӣ аз уҳдаи идораи мошин набаромада, сокини 57-солаи ҳамин ноҳияро пахш намудааст. Дар натиҷа пиёдагард ҷароҳатҳои вазнини ҷисмонӣ бардошта, дар беморхона ба ҳалокат расидааст.

Дар ин рӯз, ҳамчунин сокини 31-солаи ноҳияи Рӯдакӣ мошини тамғаи “Хундай-Старекс”-ро дар назди хонаи истиқоматиаш бе назорат гузоштааст. Баъдан ҷияни хурдсоли ӯ, писарбачаи 4-сола ба дохили мошин даромада, муҳаррики онро ба ҳаракат дароварда, бародари хурдсолаш- писарбачаи 1-соларо пахш намудааст. Дар натиҷа хурдсол ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.