Ҷойи сутуни нишонро ба гулзор табдил медиҳанд

Ноябрь 26, 2015 09:43

     Душанбе, 26.11.2015.(АМИТ «Ховар»).-Сутун бо Нишони давлатии собиқ Ҷумҳурии Шӯравии Сотсиалистии Тоҷикистон, воқеъ дар хиёбони Рӯдакӣ- назди Парлумони кишвар рӯзҳои наздик бартараф карда шуда, он ҳамчун мероси фарҳангии замони шӯравӣ дар «Бунёди мусаввирии Тоҷикистон» ҳифз мешавад. Сутун ва нишони мазкур ба ифтихори ҷашни 20-солагии таъсиси Ҷумҳурии Шӯравии Сотсиалистии Тоҷикистон дар солҳои 50-уми қарни 20 дар собиқ хиёбони В.Ленин, ҳозира Рӯдакӣ бо баландии  24 метр ва қисмати поёниаш бо паҳноии беш аз 5 метр бунёд гардидааст.
     Муҳаммадӣ Саъдуллоев- сардори шуъбаи назорати техникӣ оид ба сохтмони манзил ва дигар соҳаҳои Раёсати сохтмони асосии шаҳри Душанбе дар суҳбат ба хабарнигори АМИТ «Ховар» гуфт, ки сутун бо  нишон дар доираи татбиқи Нақшаи асосии шаҳр ва  хулосаи ташхиси бадеии шуъбаи ҳифз ва истифодаи мероси таърихию фарҳангии Вазорати фарҳанги кишвар  бардошта шуда,  ҷои он ба гулзор табдил дода мешавад. Азбаски сутун бо нишон дар байни роҳи протоколии хиёбони Рӯдакӣ ва майдони «Дӯстӣ» қарор дорад, бобати халалдор наёфтани ҳаракати нақлиёт ва мусофирон, бартараф кардани  он шабонгоҳ сурат мегирад.  
        Бояд тазаккур дод, ки соли 2011 дар остонаи ҷашни 20-солагии Истиқлолияти давлатии Ҷумҳурии Тоҷикистон дар пойтахт дар маросими ботантана муҷтамаи Нишони давлатии Ҷумҳурии Тоҷикистон ифтитоҳ гардид, ки паҳнои Нишони давлатӣ панҷ метр ва баландии сутунаш 45 метрро ташкил медиҳад.

 

 

 

Ноябрь 26, 2015 09:43

Хабарҳои дигари ин бахш

Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст
МегаФон Тоҷикистон бурди миллион сомонӣ ва туҳфаҳои дигари олиҷанобро доир менамояд