Президенти Сенегал дар мубориза бар зидди терроризм ба Мали кумак хоҳад кард

Душанбе, 23.11.2015. (АМИТ «Ховар»).-Маки Сал — президенти Сенегал, ки раиси Иттиҳоди иқтисодии кишварҳои Африқои Ғарбӣ мебошад, изҳор доштааст, ки дар мубориза бар зидди терроризм ба ҳукумати Малӣ кумак хоҳад кард, зеро имрӯзҳо терроризм мушкили тамоми кишварҳои ҷаҳон ба шумор меравад. Маки Сал гуфтааст, ки кишварҳои аъзои Иттиҳоди иқтисодии Африқои Ғарбӣ бинобар сабаби ҳамлаҳои террористӣ ба пойтахти Мали — Бамако рӯзҳои мотам эълон кардаанд.
 Ёдовар мешавем, ки 20 ноябри соли ҷорӣ ба меҳмонхонаи «Рэдиссон»- шаҳри Бамакои Малӣ ҳамлаи террористӣ сурат гирифт, ки бар асари он 27 кас, аз ҷумла шаҳрвандони 14 кишвари хориҷӣ ба ҳалокат расиданд.