Роҳзанӣ дар Душанбе ошкор шуд

Душанбе, 18.11.2015. (АМИТ «Ховар»).-Ба ШВКД дар ноҳияи Фирдавсӣ сокини 25-солаи ноҳияи Шаҳритуз муроҷиат намудааст, ки 16 ноябри соли равон шахсони номаълум дар назди бинои №95-и кӯчаи Фирдавсии шаҳри Душанбе, бо таҳдиди корд аз ӯ куртка ва телефони мобилии тамғаи “Нокия х-2”-ро, ки арзишашон 600 сомониро ташкил медиҳад, гирифта аз ҷойи ҳодиса ғайб задаанд. Зимни гузаронидани чорабиниҳои фаврӣ кормандони милитсия сокини 23-солаи  шаҳри Душанбе,  сокинони 19-сола ва 24-солаи ноҳияи Қубодиён ва сокини 24-солаи шаҳри Кӯлобро ҳамчун гумонбар дар ҷинояти роҳзанӣ дастгир намуданд.
Нисбати далели мазкур парвандаи ҷиноятӣ оғоз гардида, тафтишот давом дорад.