Шайх Аҳмад Ал-Тайиба: терроризм маризиест, ки динро ҳамчун пӯшиш истифода мебарад

Душанбе, 23.11.2015. (АМИТ «Ховар»).- Шайх Аҳмад Ал-Тайиба, раиси Донишгоҳи Ал-Азҳар, дар ҷаласаи Шӯрои мусалмонони аршад ҳамлаҳои террористӣ дар Париж ва меҳмонхонаи Малиро қотеона маҳкум кардааст. Ӯ гуфтааст, ки ин амал бо исломи ҳақиқӣ ҳеҷ умумияте надорад ва ҳаргиз набояд исломро бо ҷиноятҳои содиршуда махлут кард. «Танҳо ба хотири нидоҳои «Аллоҳ Акбар» гуфтани террористони маргталаб ва харобкорони Сурияву Ироқ, ин ҷиноятҳоро ба ислом нисбат додан беадолатӣ ва таассуби ошкор хоҳад буд»,-изҳор дошт Тайиба. Ба ақидаи Шайх терроризм он фалсафаи ҳаёт мебошад, ки пайравони он барои нобудӣ омодаанд. Эҳтимоли зиёд он аст, ки: «ин як ихтилоли ақлонӣ ва равонӣ буда, дин дар ин миён ҳамчун пӯшише истифода мегардад».