Таҷлили Рӯзи Парчами давлатӣ дар Наврӯзгоҳи пойтахт

Ноябрь 10, 2015 10:24

Душанбе, 10.11.2015.(АМИТ «Ховар»).-Ҷашнгоҳи асосии таҷлили Рӯзи Парчами давлатии Ҷумҳурии Тоҷикистон дар соли равон Наврӯзгоҳи пойтахт буда, дар ин ҷо 24 ноябр аз соати 17:00 бо ҳузури 8 ҳазор сокини пойтахт, ки дар дасти ҳар яке парчами миллӣ хоҳад буд, барномаи идонаи фарҳангӣ гузаронида мешавад.
 Шаҳрдории Душанбе тасмим дорад, ки дар Рӯзи Парчами давлатӣ роҳпаймоии ҷавонону донишҷӯёнро аз назди муҷассамаи Абӯалӣ ибни Сино то майдони «Дӯстӣ»- муҷассамаи Исмоили Сомонӣ /Маҷмааи ваҳдат ва эҳёи Тоҷикистон/ ташкил намояд. Дар иртибот ба ин барои фароҳам овардани шароити мусоид барои   гузаронидани роҳпаймоӣ аз соати 11:00 то 15:00-и  24 ноябр ҳаракати воситаҳои нақлиёт дар хиёбони Рӯдакӣ, Исмоили Сомонӣ ва кӯчаҳое, ки бо майдони «Дӯстӣ» тавассути хиёбони Рӯдакӣ пайвастанд — кӯчаҳои Шероз,  Шоҳтемур,  Ҷалол Икромӣ, Фотеҳ Ниёзӣ  муввақатан қатъ мегардад.
   Инчунин дар Рӯзи Парчами давлатӣ дар тамоми мақомот ва иншооти давлатӣ, биноҳои баландошёна, идораву муассисаҳо, кӯчаву хиёбонҳо, хонаҳои истиқоматӣ ва воситаҳои нақлиёти ҷамъиятӣ Парчами давлатӣ насб карда мешавад. Шаҳрдорӣ ҳамзамон ба ифтихори Рӯзи Парчами давлатӣ баргузорсозии чорабиниҳои мухталифи фарҳангию варзиширо тарҳрезӣ намудааст.

Ноябрь 10, 2015 10:24

Хабарҳои дигари ин бахш

Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад