Тадбирҳои мухталиф ба ифтихори Рӯзи парчам дар Қӯрғонтеппа

Душанбе, 19.11.15. (АМИТ «Ховар»). — Дар  шаҳри  Қӯрғонтеппаи вилояти  Хатлон  Рӯзи парчами  давлатии Тоҷикистон бо  роҳпаймоии ҷавонон,  сокинони  шаҳр  ва  намояндагони  созмонҳои вилоятию  шаҳрӣ  таҷлил  мегардад. 
Тавре  ки  дафтари  матбуоти  маъмурияти   шаҳри  Қӯрғонтеппа  хабар  дод,  иштирокдорони  роҳпаймоӣ бо  парчамҳо  аз  чор  канори  шаҳр  сӯи майдони  марказӣ  ҳаракат  мекунанд. Дар  ин  рӯз  сайругашти оммавӣ   сурат  гирифта,  барномаи  консерти  намоиш  дода  мешавад. 
Ба  ифтихори  Рӯзи  парчам   дар донишкадаҳои олӣ  ва  мактабҳои  шаҳр  бахшида  ба  ин  рӯз  озмуну  конфронсҳои  илмӣ  баргузор  гардида, мусобиқоти  варзишӣ  роҳандозӣ  мешавад.