Варзишгари беҳтарини сол кист?

Душанбе, 16.11.2015 (АМИТ «Ховар»).- Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон озмунҳои «Варзишгари беҳтарини сол», «Мураббии беҳтарини сол», «Мактаби варзишии беҳтарини сол», «Федератсияи миллии варзишии беҳтарини сол» ва «Беҳтарин иншооти варзишии сол»-ро эълон менамояд. 
Шартҳо барои озмуни «Варзишгари беҳтарини сол» аз рӯи намудҳои олимпӣ ва ғайриолимпӣ ба даст овардани дастовардҳои баланди варзишӣ дар чорабиниҳои ҷумҳуриявӣ ва байналмилалӣ дар давоми сол, меъёри баланди варзиширо иҷро намудан ва одоби баланди варзишӣ мебошанд.  
Ҳуҷҷатҳо бояд  то  1 декабри соли 2015 ба Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон пешниҳод шаванд.