Вохӯрии Рустам Назарзода бо Кортни Гол

Душанбе, 13.11.2015. (АМИТ «Ховар»).-13 ноябри соли 2015 дар Агентии назорати маводи нашъаовари назди Президенти ҶТ мулоқоти Директори агентӣ Рустам Назарзода бо ҳамоҳангсози Департаменти давлатии ИМА оид ба масъалаҳои Тоҷикистон хонум Кортни Гол  баргузор гардид. 
Директори агентӣ меҳмонро бо вазъи вобаста ба маводи нашъаовар дар Тоҷикистон, ташаббусҳои Ҳукумати Ҷумҳурии Тоҷикистон дар соҳаи назорати маводи нашъаовар, ҳамкории байналмилалӣ дар соҳаи маводи нашъаовар шинос намуд. 
Инчунин масъалаҳои ҳамкории дуҷониба байни агентӣ ва Сафорати ИМА дар Тоҷикистон дар соҳаи назорати маводи нашъаовар ва дурнамои рушди он муҳокима гардиданд. 
Дар анҷоми мулоқот тарафҳо изҳори бовар намуданд, ки ҳамкорӣ дар оянда боз ҳам мустаҳкам хоҳад гардид. 
Меҳмон дар агентӣ аз утоқи нигоҳдории маводи нашъаовар, Тавқифгоҳи нигоҳдории муваққатӣ ва бухории махсус барои сӯзонидани маводи нашъаовар дидан намуд.