“Волидайн зидди терроризм”- чорабинӣ дар Чкалов

Хуҷанд, 13.11.2015. (АМИТ «Ховар»). -Дирӯз дар Донишкадаи кӯҳӣ-металлургии шаҳри Чкалов  дар доираи иқдоми “Ҷавонон зидди терроризм ва ифротгароӣ” бо ташаббуси кумитаи ҷавонон, варзиш ва сайёҳии вилоят ва бахши он дар донишкада бо ҳамдастии мақомоти шаҳрӣ ва раёсати донишкада чорабинии маърифатӣ-фарҳангӣ дар мавзӯи мубориза бар зидди ифротгароӣ ва терроризму экстремизм таҳти унвони “Волидон бар зидди терроризм”  доир гардид. 
Тавре ки ба АМИТ “Ховар” аз бахши Кумитаи ҷавонон, варзиш ва сайёҳии вилояти Сугд  иттилоъ доданд,  чорабинӣ бо иштироки беш аз 300 ҷавони фаъоли шаҳр, волидайни донишҷӯён,  намояндагони мақомоти иҷроияи шаҳр, шуъбаи ВКД ҶТ дар шаҳри Чкалов, Раёсати кор бо занон ва оилаи вилоят, шуъбаи муҳоҷирати меҳнатии Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд ва имом-хатиби масҷиди ҷомеи шаҳри Чкалов доир гардид, ки дар он  иштирокдорон  оид ба ифротгароӣ ва терроризм, ҳадафҳои тахрибкоронаи он, роҳҳои ҷалби ҷавонон ба гурӯҳҳои ифротӣ, роҳҳои пешгирии шомилшавии ҷавонон, нақши волидайн дар самти пешгирии шомилшавии ҷавонон  ибрози андеша намуданд.