Ҳаҷми пасандозҳои низоми бонкӣ 31,8 фоиз афзудааст

Душанбе, 3.12.2015. (АМИТ «Ховар»).- Дар 10 моҳи соли ҷорӣ ҳаҷми пасандозҳои низоми бонкӣ 8,3 млрд. сомониро ташкил дод, ки ин нисбат ба ҳамин давраи соли гузашта 31,8 фоиз афзудааст. Бақияи пасандозҳо бо пули миллӣ 16,7 фоиз ва бо асъори хориҷӣ 39,3 фоиз афзоиш ёфт. Шумораи пасандозҳои ҷалбшуда дар ин давра 27,5 фоиз зиёд шуд.
“Дороиҳои умумии ташкилоти қарзӣ дар 10 моҳ 18,1 млрд. сомониро ташкил дода, нисбат ба ҳамин давраи соли қаблӣ 15,6 фоиз афзуданд.  Уҳдадориҳои умумӣ ва сармояи тавозунии ташкилоти қарзӣ мувофиқан 15,4 млрд. сомонӣ ва 2,7 млрд. сомониро ташкил намуда, мутаносибан 16,9 фоиз ва 8,7 фоиз зиёд шуданд”,- зикр дошт раиси Бонки миллии Тоҷикистон Ҷамшед  Нурмаҳмадзода, 2 декабр дар ҷаласаи Маҷлиси намояндагони Маҷлиси Олии Ҷумҳурии Тоҷикистон.
Ҳаҷми қарзҳои додашуда дар 10 моҳ 10,5 млрд. сомониро ташкил дода, нисбат ба ҳамин давраи соли гузашта 15,5 фоиз зиёд гардид.
Бақияи қарзҳои дарозмуҳлат ҳаҷми умумии қарзҳоро ташкил дод, ки нисбат ба ҳамин давраи соли гузашта 12,4 банди фоизӣ зиёд мебошад.