Амрико аз Туркия даъват кард, ки неруҳои беиҷозат даровардаашро аз Ироқ барорад
Душанбе, 17.12.2015. (АМИТ «Ховар»). — Амрико аз Туркия даъват кард, ки неруҳои беиҷозат даровардаашро аз шимоли Ироқ барорад ва ба соҳибихтиёрӣ ва тамомияти арзии ин кишвар эҳтиром гузорад.
Муовини президенти Амрико Ҷо Байден бо сарвазири Ироқ Ҳайдар ал-Абадӣ оид ба ҷойгиркунии неруҳои Туркия гуфтугӯи телефонӣ анҷом дод.
«Муовини президент бори дигар тарафдории Иёлоти Муттаҳидаи Амрикоро аз соҳибихтиёрӣ ва тамомияти арзии Ироқ тасдиқ карда, аз Туркия даъват кард, ки бо баровардани неруҳояш аз қаламрави Ироқ, ки бе иҷозати ҳукумати ин кишвар даровардааст, чунин кунад», — гуфта мешавад дар изҳороти Кохи Сафед.
Гуфтугӯи телефонии Байден ва ал-Абадӣ ду рӯз пас аз суҳбати муовини президенти ИМА бо сарвазири Туркия Аҳмад Довутоғлу баргузор шуд.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
